ПАРИЗ (АА) – Министерот за јавна потрошувачка на Франција, Габриел Атал, изјави дека ѓубрето натрупано во престолнината Париз поради штрајкот на комуналните работници претставува сериозен проблем за безбедноста и здравјето на луѓето, пренесува Анадолу.
Францускиот телевизиски канал БФМТВ објави дека министерот Атал истакнал дека го почитува правото на штрајк, но додал дека сепак натрупаното ѓубре во главниот град Париз претставува голем проблем.
Атал додал дека е потребно да се преземат мерки, напоменувајќи дека би можело да се воведе мерката „принудно враќање на работа“.
Според таа мерка, вработените можат да бидат принудени да се вратат на работа во случај на „штрајк кој сериозно го нарушува давањето на јавни услуги“.
Вработените кои ќе се спротивстават на тоа можат да добијат затворска казна до 6 месеци и парична казна од 10.000 евра.
Француските медиуми информираа дека во Париз досега се натрупани околу 5.400 тони ѓубре.
Извор: www.aa.com.tr
