(ФОТОВЕСТ) Сообраќајна незгода предизвика хаос на мостот „Гоце Делчев“

На терен има и полициска екипа која врши увид и го регулира сообраќајот

Сообраќајна незгода помеѓу две возила со скопски регистарски таблички се случи утрово на мостот „Гоце Делчев“ во насока од плоштадот „Скендербег“ кон зградата на Владата.

Засега нема информации за повредени лица, а од она што може да се види на самото место еден од автомобилите има претрпено поголемо оштетување.

На терен има и полициска екипа која врши увид и го регулира сообраќајот.

Сообраќајната незгода предизвика хаос на овој булевар, а возилата се движат отежнато.