Планот на организаторите е на два часа да се блокира познатиот мост „Газела“. Дел од медиумите јавуваат дека на овој протест има поголема масовност од претходниот што се одржа во понеделникот. Граѓани, јавува Нова ТВ, скандираат „Вучиќ, оди си“
Во Белград во тек е вториот протест „Србија против насилството“ во организација не неколку опозициски партии.
Протестот започна околу 18 часот пред зградата на српскиот парламент која беше собирно место на демонстрантите. На протестот, како што јавува Н1, нема партиски обележја, а може да се забележат транспаренти против насилството. Исто така, има и транспаренти против медиумите кои важат за провладини, а за кои се бараше затворање поради реалните шоуа што ги емитуваат.
Планот на организаторите е преку улицата „Кнез Милош“ да се тргне кон мостот „Газела“ и да се блокира на два часа, но дел од присутните изјавија дека ќе останат пред парламентот, а дел дека ќе тргнат во протестен марш.
„Сè зависи од енергијата и бројот на луѓе. Планот е на два часа да се блокира ’Газела‘, но во овој момент не можам тоа да го ветам, сè зависи од тоа дали ќе сакаат луѓето“,
изјави опозицискиот пратеник Александар Јовановиќ Чута на почетокот на собирот.
Телевизијата Нова, пак,јавува дека мостот веќе е блокиран и дека е има огромна масовност прогласувајќи го протестот за најголем во последните десет години.
Дел од граѓаните скандираат и „Вучиќ, оди си“.
Ова е втор протест „Србија против насилството“, откако првиот се одржа во понеделник (8 мај). Тогаш организаторите проценија дека се собрале околу 50 000 граѓани.
Протестите следуваат по двете масовни убиства што се случија во Србија, првиот во основното училиште „Владислав Рибникар“ во Белград, а вториот кај Младеновац, во кои беа убиени вкупно 17 лица.
Gledajte vi ovo 😍😍😍
Nemam dron ali ovo cak i moja drndava kamera moze da snimi!
Velicanstveno!!! pic.twitter.com/IVQhOMV7N9— Maja Vukas (@M2aja) May 12, 2023
Извор: 360stepeni.mk
