Француската полиција употреби солзавец на денешните судири со демонстрантите во Париз, Лион и Нант откако дел од нив искршија излози на продавници и банки. Поради судирите, во Париз се приведени 30 лица
Првомајскиот марш е продолжение на масовните демонстрации кои изминатиов период ја зафатија цела Франција по одлуката на францускиот претседател Емануел Макрон да ја зголеми старосната граница за пензионирање од 62 на 64 години
По повод Меѓународниот ден на трудот – 1 Мај, денеска низ цела Франција маршираа илјадници луѓе, на како што велат синдикалните организации, најголемите првомајски демонстрации во земјата во последните години.
Целта на синдикатите е овогодинешниот 1 Мај да влезе во историјата на земјата, а проценетата излезност на протестите е од 500 илјади до еден милион луѓе низ целата држава.
Француската полиција употреби солзавец на денешните судири со демонстрантите во Париз, Лион и Нант откако дел од нив искршија излози на продавници и банки. Поради судирите, во Париз се приведени 30 лица.
На синдикатите им се придружија активисти за правата на работниците и од други земји, активисти за заштита на животната средина и демонстранти кои се борат за економска правда. Протестираа и активисти кои се против Олимпијадата во Париз во 2024 година и нејзиното влијание врз општеството и животната средина.
Како дел од масовните протести, демонстрантите направија потсмевни ликови на Макрон и на министерот за внатрешни работи Жералд Дарманин.
A protester smacks a piñata-type effigy of President Macron and Gérald Darmanin hanging off a bus stop next to the Place de la République, the starting point of today’s #MayDay protest against the retirement reforms. #F24 #1erMai pic.twitter.com/CmJiT8aXRa
— Lara Bullens (@larabullens) May 1, 2023
Се палеа и човечки фигури со ликот на францускиот претседател.
Strasbourg : Un mannequin à l’effigie du président Macron a été brûlée lors de la manifestation du #1erMai #ReformeDesRetraites pic.twitter.com/s3OH9js8MZ
— Réalité Actuelle (@ReaActuelle) May 1, 2023
Управниот суд во Париз денеска го потврди полицискиот декрет со кој на властите им се дозволува да користат дронови за време на првомајските протести во француската престолнина. Така, на француската полиција ѝ е одобрено да користи дронови за следење на толпата на протестите. Дел од активистите поднесоа жалба против овој потег, велејќи дека употребата на беспилотни летала на овој начин ги крши основните права.
Првомајскиот марш е продолжение на масовните демонстрации кои изминатиов период ја зафатија цела Франција по одлуката на францускиот претседател Емануел Макрон да ја зголеми старосната граница за пензионирање од 62 на 64 години. Синдикатите на оваа реформа гледаат како на закана за правата на работниците, додека Макрон тврди дека таа е неопходна за иднината на Франција.
Извор: 360stepeni.mk
