(ФОТО) По вчерашните тензии, на северот на Косово утринава е мирно

Косовската полиција, која вчера со возила го блокираше пристапот до зградите на општините Звечан, Зубин Поток и Лепосавиќ, сè уште е во општинските објекти и ги блокира пристапот до нив

По вчерашните тензии, српскиот претседател Александар Вучиќ ја подигна борбената готовност на Армијата, а за денеска закажа состанок на Советот за безбедност, кој во моментов е во тек

По вчерашниот конфликт меѓу граѓаните и косовската полиција во општините со мнозинско српско население, на северот на Косово утринава е мирно, објави српскиот радиодифузен сервис.

Косовската полиција, која вчера со возила го блокираше пристапот до зградите на општините Звечан, Зубин Поток и Лепосавиќ, сè уште е во општинските објекти и ги блокира пристапот до нив.

На административните премини „Јариње“ и „Брњак“ денеска нема застој, а патничкиот и товарниот сообраќај се одвиваат без проблеми. Синоќа на овие премини имаше метеж поради

Тензиите во општините со мнозинско српско население во Косово се случија откако новоизбраните градоначалници, на изборите што ги бојкотираа Србите, вчера ги презедоа функциите и влегоа во општинските згради.

Во судир на косовската полиција со Србите беа повредени десетина лица.

• (ВИДЕО) Хаос во Косово: Фрлен солзавец, се слушаат рафали, Вучиќ ја подигна борбената готовност на војската
• (ВИДЕО) Десетина повредени во конфликтот меѓу полицијата и граѓаните во Звечан, барикади во Лепосавиќ

Шефот на парламентарната комисија за Косово, Милован Дрецун, за РТС обвини дека косовскиот премиер Албин Курти намерно го избрал вчерашниот ден за инцидентите на северот на Косово поради митингот на српскиот претседател Александар Вучиќ во Белград, со цел да го испровоцира српскиот народ.

Тој вели дека овие инциденти се „последната граница“ на Курти, бидејќи по преминувањето на таа граница, како што рече, следуваат опасни последици. 

„Првата последица е широк конфликт со српскиот народ. Втората е прекин на дијалогот, за што сега е бесмислено да се зборува“,

вели за РТС шефот на парламентарната комисија за Косово, Милован Дрецун.

По вчерашните тензии, српскиот претседател Александар Вучиќ ја подигна борбената готовност на Армијата, а за денеска закажа состанок на Советот за безбедност, кој во моментов е во тек.

• Вучиќ закажа седница на Советот за национална безбедност по тензиите во Косово

Постапките на косовските власти наидоа на осуда од меѓународната заедница. Државниот секретар на САД, Ентони Блинкен, го повика премиерот Албин Курти да го смени курсот и потенцираше дека Косово постапува спротивно на советите на САД и европските партнери. Порача дека ваквите постапки ќе се одразат на билатералните односи меѓу Косово и Србија.

• Блинкен со остра реакција за случувањата на северот на Косово: Курти да го смени курсот, ова ќе има последици

Европската Унија, пак, нагласи дека нема да прифати никакви дополнителни еднострани или провокативни дејствија и порача дека приоритет треба да бидат зачувување на мирот и безбедноста на теренот.

• И ЕУ со осуда за тензиите на северот на Косово: Нема да прифатиме дополнителни провокации