На плоштадот „Македонија“ во Скопје изминатите дена се собираа донации за настраданите во Турција и Сирија по силните земјотреси, но волонтерите се револтирани поради тоа какви донации добиле од дел од граѓаните.
Најголемо внимание привлекоа сандалите и високите потпетици кои беа донирани за настраданото население.
За ова свој ироничен коментар даде и актерката иактивистка Ирена Ристиќ.
-Дека секоја генерализација е погрешна, дека ете, на пример, ние сме сиромави, но хумани, дека сме утепани, но со големо срце, дека сме стока со душа планина, докажува и овој обид за хуманост на некоја наша длабоко потресена сограѓанка…Без мозок! Без мозок! – напиша Ристиќ на својот фејсбук профил.
ИЗВОР: skopjeinfo.mk
