АНКАРА (АА) – Министерот за надворешни работи на Туркије, Хакан Фидан, во врска со тековните напади на Израел врз Газа, рече дека „главен и одговорен за геноцидот (во Газа) е (израелскиот премиер Бенјамин) Нетанјаху“, јавува Анадолу.
Министерот Фидан говореше на заедничката прес-конференција одржана по средбата со неговиот колега, шефот на дипломатијата на Северна Македонија и министер за надворешна трговија, Тимчо Муцунски, во Скопје.
Наведувајќи дека бруталноста во Газа продолжува, Фидан истакна дека тензиите се проширени и на Западниот Брег, и дека провокациите насочени кон Месџид ал Акса уште повеќе ја влошуваат ситуацијата.
Во врска со тековните напади на Израел врз Газа, Фидан рече: „Главен и одговорен за геноцидот (во Газа) е Нетанјаху. Нетанјаху продолжува да сее смрт и терор за да остане на власт. Нетанјаху ги саботира сите обиди за прекин на огнот и продолжува да ги нарушува преговорите за прекин на огнот со постојано воведување нови услови.“
Посочувајќи дека дури и израелската јавност почна да се бунтува против Нетанјаху, Фидан порача:
„Меѓународната заедница мора да го спречи Нетанјаху. Да се молчи пред масакрот е еднакво на соучесник во ова злосторство.“
Извор: Anadolu Agency (AA)
