ЕУ планира нови санкции кон Русија до годишнината од војната во Украина

February 2, 2023
1 min read

БРИСЕЛ (АА) – Претседателката на Комисијата на Европската Унија (ЕУ), Урсула фон дер Лајен, изјави дека ЕУ ќе го објави 10-тиот пакет санкции кон Русија до 24 февруари, на годишнината од војната во Украина, јавува Анадолу.

Фон дер Лајен, пред Самитот ЕУ – Украина што се одржува во Киев, даде изјава за медиумите заедно со претседателот на Украина, Владимир Зеленски.

Посочувајќи дека повеќето од највисоките директори на ЕУ се во Киев за утрешниот Самит, Фон дер Лајен изјави: „Нашето присуство во Киев денеска дава многу јасен сигнал. Целата ЕУ долго време стои покрај Украина и ќе остане покрај неа сѐ додека ги брани основните права и почитувањето на меѓународното право.“

Нагласувајќи дека првата порака што сакала да ја пренесе е да се обезбеди економска безбедност на Украина, Фон дер Лајен истакна: „Генерално, економската, хуманитарната и воената поддршка на Европската Унија за Украина од почетокот на војната досега достигна речиси 50 милијарди евра.“

Наведувајќи дека ЕУ ја поддржува и енергетската безбедност на земјата, Фон дер Лајен рече дека заклучно со оваа недела, наместо претходно споменатите 30 милиони, испратени се 35 милиони ЛЕД-светилки и 2.400 дополнителни генератори.

„Ќе обезбедиме над 150 милиони евра за набавка на енергетска опрема од витално значење за Украина“, рече Фон дер Лајен.

– Обнова на Украина –

Истакнувајќи дека едно од важните прашања на агендата е обновата на Украина, Фон дер Лајен изјави дека како земји од Г7 формирале платформа за координација.

„Платформата ќе помогне да се координира меѓународната помош и да се поддржи вашата реформска агенда“, рече Фон дер Лејен, нагласувајќи дека секретаријатот на платформата ќе биде и во Киев и во Брисел.

„Русија ќе биде принудена да ја плати цената за уништувањето во Украина и да придонесе за обновата на Украина“, рече Фон дер Лајен, истакнувајќи дека ЕУ со своите партнери истражува како би можела да ги користи јавните средства на Русија во корист на Украина.

„Ќе воведеме дополнителна граница на цените на руските нафтени деривати заедно со нашите партнери од Г7 и ќе имаме за цел да го ставиме во сила 10-тиот пакет санкции до 24 февруари [на годишнината од војната]“, рече претседателката на Европската комисија.

– Судење на воените злосторници –

Истакнувајќи дека обвинителите од Украина и ЕУ работат заедно на собирањето докази, Фон дер Лајен рече:

„Задоволство ми е да објавам дека прв чекор е формирање меѓународен центар во Хаг за гонење на злосторствата сторени во агресијата над Украина.

Овој центар ќе го координира собирањето докази што треба да се достават до заедничкиот истражен тим поддржан од Евроџаст. На тој начин, многу бргу ќе бидеме подготвени да почнеме да работиме само со Украина, Евроџаст, нашиот заеднички истражен тим и Холандија.“

ЕУ и администрацијата на Украина утре во Киев ќе се сретнат на првиот самит што се организира од почетокот на војната.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Варан стави крај на репрезентативната кариера

Следно

Чувар на фирма пронајден со повреди од физички напад

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop