Ердоган: „Одлучно ќе продолжиме со нашите пробиви во одбранбената индустрија“

АНКАРА (АА) – Претседателот на Туркије, Реџеп Таип Ердоган, даде изјава за медиумите по состанокот на кабинетот во Претседателскиот комплекс во Анкара, известува Анадолу.

Во своето обраќање претседателот Ердоган истакна дека и покрај конфликтите и тензиите во регионот во кој се наоѓа Туркије и сите песимистичките сценарија за иднината, основните показатели на турската економија продолжуваат да се подобруваат.

Во врска со односите на Туркије со земјите од истокот и членките на Брикс, Ердоган рече:

„Одиме каде и да се интересите на Туркије. Развиваме соработка во насока на нејзините интереси. Главниот столб на нашата надворешна политика е оската Туркије“.

Зборувајќи за развојот и интересот на Туркије на политички и економски план, турскиот претседател истакна:

„Развојните односи на нашата земја со БРИКС никогаш не можат да бидат алтернатива на нашите сегашни ангажмани“.

„Ние не ги менуваме позициите. Напротив, со пристап насочен кон Туркије се обидуваме да го заземеме местото што го заслужуваме во променливиот глобален систем“, истакна Ердоган

Претседателот Ердоган осврнувајќи се на терористичкиот напад врз комплексот на Турската воздухопловна и вселенска индустрија (ТУСАШ), истакна:

„Разбирливо е дека бароните на теророт, кои се хранат со крв, бараат нови господари во нашиот регион и нови лица кои ќе им бидат слуги. Како Република Туркије ги стуткавме и ги фрливме пораките што требаше да бидат дадени со овој гнасен напад. Јасно е дека не може да има порака што ќе се добие од тероризмот, од криминалците со крвави раце, од несвесните робови и од нивните шефови кои ги користат.“

Ердоган посочи дека по нападот врз ТУСАШ турските безбедносни сили како цел зеле повеќе од 470 точки на терористичката организација и притоа неутрализирале 213 терористи.

„Бароните на тероризмот нема да можат да ја дизајнираат турската политика, нема да можат да градат ѕидови на раздор меѓу 85 милиони луѓе, нема да можат да ја одвратат нашата земја од нејзиниот правец“, истакна Ердоган и продолжи со зборовите:

„Одлучно ќе ги продолжиме нашите пробиви во одбранбената индустрија, која е извор на гордост на нашата земја во светот“.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.