Ердоган: На пат тргна Тогг, првиот турски електричен автомобил

АНКАРА (АА) – Првиот домашен турски електричен автомобил Тогг тргна на пат вчера по неговата свечена испорака на претседателот Реџеп Таип Ердоган, јавува Анадолу.

„Од денес почнуваме да го гледаме Тогг на патиштата“, рече Ердоган при примањето на првиот модел на „Тогг Т10Икс“ со церемонија во претседателскиот комплекс во главниот град Анкара.

Ердоган рече дека Тогг го достигнал своето сегашно ниво како симбол на технолошкиот напредок, економскиот развој и глобалната репутација на Туркије.

Тој додаде дека Тогг ќе ги краси улиците не само во Туркије туку и низ светот.

Претседателот, заедно со првата дама Емине Ердоган, го возеше Тогг низ претседателскиот комплекс.

– „Тогг“

Цената на стандардниот модел „T10Икс“ се движи од 953.000 турски лири (околу 45.400 евра) до 1.055.000 лири (околу 50.200 евра), додека лонг-рејнџ моделот е со цена од 1.215.000 лири (околу 57.800 евра).

Со две различни опции на батерии за моделот „T10Икс“ со погон на задните тркала од 160 kW (218 КС), клиентите можат да изберат помеѓу опсег од 314 километри (195 милји) или 523 километри (325 милји).

Првата верзија на „Т10Икс“ може да забрза од 0 до 100 km/h за 7,6 секунди, додека втората, со испораката што треба да започне овој октомври, може да постигне 0-100 km/h за 4,8 секунди.

Втората верзија има и погон на сите тркала, со моќност од 320 kW (435 коњски сили).

Батериите на „Тогг​​​​​​​ Т10Икс“ може да се полнат од 20 отсто на 80 отсто за помалку од 28 минути на станиците за брзо полнење.

Возачите, исто така, може да избираат меѓу шест различни опции за бои на електричното возило.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).