Осомничениот за нападот е во притвор, а полицијата верува дека може да има уште еден осомничен кој сè уште не е фатен. Мотивот за нападот засега не е познат
Едно лице загина, а тројца се повредени по пукање во средата вечерта во трговски центар во Ел Пасо, Тексас.
Си-ен-ен јави дека осомничениот за нападот е во притвор, а полицијата верува дека може да има уште еден осомничен кој сè уште не е фатен. Мотивот за нападот засега не е познат.
„Беше хаотично. Луѓето бегаа. Беа исплашени“,
изјави портпаролот на полицискиот оддел во Ел Пасо, Роберт Гомез.
Тројцата повредени мажи се хоспитализирани во болница. Двајца од нив се во критична состојба, а состојбата на третото лице е непозната.
Трговскиот центар „Сиело Виста“ каде што се случил нападот е во непосредна близина на продавницата Волмарт, каде што на 3 август 2019 година вооружен маж уби 23 луѓе, а речиси дваесетина беа повредени.
Извор: 360stepeni.mk
