Еден убиен и 15 повредени, меѓу кои и две деца, во руски ракетен напад врз болница во Днипро

May 26, 2023
1 min read

Днипро во текот на ноќта бил цел на продолжен ракетен напад. Украинските сили тврдат дека собориле десет ракети и 25 беспилотни летала лансирани на нивна територија од Русија

Едно лице е убиено, а 15 се повредени во руски ракетен напад врз болница во градот Днипро, објави украинскиот претседател Володимир Зеленски, пренесува „Гардијан“.

Фотографија од погодената болница во Днипро која на Телеграм ја објави гувернерот на Днепропетровската Област, Серхиј Лисак

„Руските терористи уште еднаш го потврдуваат својот статус на борци против сè што е хумано и чесно. Ракетен напад на клиника во градот Днипро. Засега едно лице загина, а 15 се ранети. Последиците од гранатирањето се расчистуваат, а жртвите се спасуваат. Вклучени се сите потребни служби. Моето сочувство до семејството на починатиот. Овие нелуѓе мора да ги победиме неповратно и што поскоро. Затоа што нашето време е нашиот народ. А нашиот народ е најскапоценото нешто во Украина“,

објави Зеленски.

Днипро во текот на ноќта бил цел на продолжен ракетен напад. Украинските сили тврдат дека собориле десет ракети и 25 беспилотни летала лансирани на нивна територија од Русија.

На социјалните мрежи се појавија снимки од погодената болница на кои се гледаат повредени луѓе меѓу урнатините на објектот. Автентичноста на објавените видео-снимки, како што споменуваат агенциите, засега не може да биде потврдена од независни извори.

Гувернерот на Днепропетровската Област, Серхиј Лисак, споделувајќи фотографии од медицинската установа во Днипро, изјави дека меѓу повредените има и две деца.

„Еден мртов. 15 повредени. Меѓу нив има и две деца. Продолжува спасувањето на настраданите. Ова се прелиминарни податоци за последиците од ракетниот напад врз Днипро. Беа погодени две згради. Пожарот зафатил вкупно 500 квадратни метри. Спасувачите сега ги гаснат пожарите“,

изјави Лисак.

Извор: 360stepeni.mk

e-post
e-post Последни постови
  1. Срамното оправдување на Анчелоти за Светското првенство
  2. Бројот на загинати во земјотресот во Јапонија се искачи на 28
  3. Уапсен гевгеличанец, возел со брзина од 204 километри на час
  4. Кристијано Роналдо со порака до критичарите

VERO marketi

EVN MACEDONIA

MATINA DENTAL CLINIC

AUTO SHKOLLA BEKO

Претходно

Вооружен напад во Јапонија: Убиени двајца цивили и двајца полицајци

Следно

Тен Хаг задоволен од пласманот во ЛШ, но бара засилувања

Latest from Blog

Бројот на загинати во земјотресот во Јапонија се искачи на 28

„Активностите за пребарување и спасување по земјотресот со јачина од 7,1 степен, што се случи во вторникот вечерта, навистина претставуваат трка со времето“, изјави главниот секретар на кабинетот, Минору Кихара, на прес-конференција

Уапсен гевгеличанец, возел со брзина од 204 километри на час

Гевгеличанец возел „бмв“ со скоро двојно поголема брзина од дозволеното, запрен е и лишен од слобода, следува соодветна пријава. Според информациите на МВР, вчера вечер на автопат А1, кај клучка Смоквица, гевгелиско,

Влатко и Златко Миладиноски носат македонски музички спектакл во Битола

Античкиот театар Хераклеја во Битола беше претесен да ги собере сите љубители на македонската народна музика, кои во голем број присуствуваа на концертот на Влатко Миладиноски и Златко Миладиноски со оркестарот. Повеќе

ВЛЕН: Почнува реализацијата на инвестицијата од 74 милиони евра за Клиничката болница во Тетово

Започнаа официјалните подготовки за реализација на инвестицијата вредна 74 милиони евра за Клиничката болница во Тетово, соопшти коалицијата ВЛЕН, оценувајќи го проектот како најголем и најзначаен во историјата на оваа здравствена установа.
Go toTop