Демократски сојуз: Балансерот е минато, етничката припадност не смее да биде критериум за вработување

October 11, 2024
1 min read

Демократскиот сојуз ја поздравува одлуката на Уставниот суд да го укине т.н. Балансер, алатката за вработување според етничка припадност, со која директно се кршеше начелото на уставно загарантирано право на работа и слободен избор на вработување на сите граѓани, независно од нивната етничка, верска и социјална припадност. Балансерот поттикна бројни злоупотреби и направи вистинска карикатура од декларирањето на етничката припадност на граѓаните, кои само за да се доберат до работно место во државната администрација, масовно лажно се прикажуваа како Албанци, Македонци, Турци, Роми, Власи, Бошњаци, Срби.

Демократскиот сојуз нагласува дека мерит-системот треба да биде единствената алатка за вработување и унапредување на повисоки раководни места во државните и јавните институции. Што се однесува до соодветната и правична застапеност на етничките заедници, која исто така е уставна категорија, важно е да потенцираме дека припадниците на етничките заедници може да имаат предност при вработувањето во државните и јавните институции на национално и на локално ниво, единствено доколку со другите кандидати се изедначени во професионалните квалитети. Тоа е суштината на позитивната дискриминација која се применува како успешен модел во некои мултиетнички општества на Запад.

Етничката припадност не може и не смее да биде критериум за вработување и за унапредување на раководни позиции во јавните институции. Законот за правична застапеност кој се најавува како замена за укинувањето на т.н. Балансер, мора да ги има предвид овие европски и светски стандарди.

ИЗВОР: ТВ 21

VERO JUMBO MACEDONIA

EVN MACEDONIA

MARKETING

Претходно

Во Европска куќа Скопје се отвори стрип изложбата „Да ѝ дадеме шанса на инклузијата!“

Следно

Сиљановска Давкова: Да се обединиме во заедничката борба за просперитетна европска држава и за праведно македонско општество

Latest from Blog

Ѓорѓиевски најавува прва подземна сообраќајница во Скопје под хотелот Лимак

Кандидатот за градоначалник на Град Скопје и актуелен градоначалник на Кисела Вода, Орце Ѓорѓиевски, во емисијата „Click Plus“ на ТВ21 зборуваше за плановите за подземната сообраќајница под хотелот Лимак. Тој истакна дека

Ѓорѓиевски со 90% спроведена програма – рекорд за општина Кисела Вода

Кандидатот за градоначалник на град Скопје, Орце Ѓорѓиевски, во гостување во емисијата „Клик Плус“ на ТВ21 истакна дека во својот мандат во Општина Кисела Вода остварил 90% реализација на програмата, што, како

Џони Деп ги зачуди сите- ѝ прави друштво на Брижит Макрон на Модната недела во Париз (ВИДЕО)

Деп, 62, моментално ужива во помирен живот по турбулентните пет години исполнети со правни битки со неговата поранешна сопруга Амбер Херд. На ревијата во Париз, актерот изгледаше беспрекорно: носеше сив сако преку
Go toTop