Бројот на жртвите од циклонот „Фреди“ што минатиот месец го погоди југоисточниот дел на Африка се зголеми на 522, јавува Анадолу.
Како последица на поплавите и на одроните предизвикани од циклонот, 438 лица ги загубија животите во Малави, 67 во Мозамбик и 17 во Мадагаскар.
Обединетите нации објавија дека катастрофата погодила околу 500.000 луѓе и дека само во Малави се раселени 345.000 луѓе.
Луѓето што ги изгубиле своите домови се обидуваат да се засолнат во импровизирани кампови, а во некои региони не може да се обезбеди пристап поради оштетените патишта.
Во меѓувреме продолжуваат работите за пребарување и спасување на исчезнатите лица и оние што останаа под вода.
Светската метеоролошка организација изјави дека „Фреди“, кој трае повеќе од еден месец, можеби е најдолготрајниот циклон во историјата.
Претседателот на Малави, Лазарус Чаквера, прогласи 14-дневна жалост за луѓето што ги загубија животите од циклонот „Фреди“.
Извор: www.aa.com.tr
