АДИЈАМАН (АА) – Шестмесечно бебе е спасено од под урнатините во Адијаман, 82 часа откако разорни земјотреси во понеделникот ги потресоа јужните области на Туркије, известува „Анадолу“.
Припадниците на спасувачките тимови од турскиот град Орду, вложувајќи големи напори, успеаја од под урнатините да извлечат шестмесечно бебе. Бебето по извлекувањето е префрлено во болница.
Гувернерот Тунџај Сонел на својот профил на социјалните мрежи ја изрази својата радост по повод спасувањето на бебето.
„Господ нека ни помогне. Важно е да се држиме заедно по катастрофата“, објави Сонел.
„Најмалку 14.351 лице загинаа, а 63.794 се повредени во двата силни земјотреси што во понеделникот ја потресоа јужна Туркије“, изјави денеска турскиот потпретседател Фуат Октај.
Извор: www.aa.com.tr
