Чавушоглу во Москва: Соработка во борбата против тероризмот, иницирање на политичкиот процес во Сирија

МОСКВА/АНКАРА (АА) – Министерот за надворешни работи на Туркије, Мевлут Чавушоглу, на состанокот во Москва ја истакна потребата од соработка во борбата против тероризмот, заедничката работа на воспоставување основа за враќање на Сиријците и започнување на политичкиот процес, пренесува Анадолу.

Во Москва е во тек четирилатерална средба за Сирија на шефовите на дипломатиите на Туркије, Русија, Иран и Асадовиот режим во Сирија.

„Ја истакнавме потребата од соработка во борбата против тероризмот, обезбедување на инфраструктурата за враќање на Сиријците, започнување политички процес во Сирија и заштита на територијалниот интегритет на Сирија“, објави Чавушоглу на Твитер.

Минатиот декември министрите за одбрана и шефовите на разузнавањето на Туркије, Русија и сирискиот режим се состанаа во Москва и се договорија да продолжат со трипартитните состаноци за да се обезбеди стабилност во Сирија и поширокиот регион.

Иран, исто така, беше вклучен во разговорите, при што Туркије претходно изјави дека Анкара би била „задоволна доколку Иран биде вклучен во процесот“.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..