Бугарија: Првиот работен ден на новото Народно собрание заврши без избор на претседавач

За функцијата претседател на парламентот имаше две кандидатури – на Росен Желјазков од ГЕРБ-СДС и Петар Петров од Преродба, но и двајцата не успеаја да го соберат потребниот број гласови на јавното гласање

Бугарските пратеници од 49. Народно собрание на првата седница не успеаја да изберат претседател на парламентот, поради што таа ќе продолжи утре.

Слична беше ситуацијата и на почетокот на 48. Народно собрание, кога исто така во првиот работен ден не беше избран претседавач. Тогаш првата седница траеше три дена, по што со консензус беше избран Вежди Рашидов од ГЕРБ-СДС, потсетува БТА.

За функцијата претседател на парламентот имаше две кандидатури – на Росен Желјазков од ГЕРБ-СДС и Петар Петров од Преродба, но и двајцата не успеаја да го соберат потребниот број гласови на јавното гласање. Кандидатот на Преродба доби поддршка само од неговите колеги од групата (37 пратеници), 88 беа „против“, а 39 „воздржани“. За кандидтот на ГЕРБ-СДС гласаа 79 пратеници, „против“ беа осуммина, а 144 пратеници беа „воздржани“.

Копретседателот на Продолжуваме со промената, Асен Василев, предложи на секои два месеци пратениците да носат одлуки за избор на претседател на собранието и претседател на Правната комисија на ротационен систем од двете главни политички сили во Народното собрание.

Следуваше пауза и средба на претставници на пратеничките групи, која заврши без конкретен резултат, посочува БТА.

Петков „го откачи“ Борисов: Доколку ГЕРБ не успее да формира влада со првиот мандат, ПП-ДБ ќе предложи кабинет со вториот мандат

Фото: БТА