АНКАРА (АА) – Турскиот министер за внатрешни работи, Сулејман Сојлу, изјави дека досега во земјотресите што ја погодија јужна Туркије загинале 39.672 граѓани, јавува Анадолу.
Сојлу за време на гостувањето на телевизискиот канал „Си-ен-ен Турк“ (CNN Turk) рече дека од првите часови на земјотресот се во регионот заедно со многу министри, јавни функционери, претставници на невладини организации и волонтери.
Додаде дека сите заедно вложуваат огромни напори за да одговорат адекватно на оваа голема катастрофа.
Министерот Сојлу истакна дека во повеќе од 20 илјади згради во подрачјата погодени од земјотресот е извршена акција за пребарување и спасување.
Тој напомена дека напорите за пребарување и спасување во значајна мера се завршени.
Земјотреси со јачина од 7,7 и 7,6 степени според Рихтеровата скала, со епицентри во Кахраманмараш, Туркије, на 6 февруари погодија 11 области, уништувајќи илјадници згради и погодувајќи над 13 милиони луѓе.
Извор: www.aa.com.tr
