Комуникацијата и пристапот до многу области остануваат отежнати, а се спроведуваат и надзорни летови за да се процени штетата и да се идентификуваат оние кои можат да бидат отсечени поради невремето
Бројот на загинати од циклонот Габриел во Нов Зеланд се искачи на седум, а властите веруваат дека ќе продолжи да расте бидејќи службите за итни случаи допрва треба да стапат во контакт со стотици населени места.
„Мораме да се подготвиме за фактот дека веројатно ќе има повеќе смртни случаи низ целата земја“,
рече премиерот на Нов Зеланд Крис Хипкинс, пренесува Ројтерс.
Циклонот Габриел, кој го погоди северниот дел на Нов Зеланд, ги принуди луѓето во погодените области да пливаат подалеку од нивните поплавени домови за да се спасат.
Владата на Нов Зеланд прогласи вонредна состојба во целата земја, што се случи само трет пат во историјата на земјата.
Бројот на загинати се зголеми во текот на ноќта, бидејќи уште еден доброволец пожарникар, Крег Стивенс, кој беше фатен во лизгање на земјиштето во близина на Окленд претходно оваа недела, почина во болница.
Комуникацијата и пристапот до многу области остануваат отежнати, а се спроведуваат и надзорни летови за да се процени штетата и да се идентификуваат оние кои можат да бидат отсечени поради невремето.
Колони камиони кои превезуваат храна, вода, лекови и гориво се движат кон оддалечените области, а одбранбените сили користат бродови за транспорт на неопходните работи до областите на источниот брег.
Извор: 360stepeni.mk
