Бројот на заболени од карцином во светот се очекува да се зголеми за 55 отсто до 2040 година

April 2, 2023
1 min read

АНКАРА (АА) – САДЕТ ФИРДЕВС АПАРИ –

Бројот на заболени од карцином во светот се очекува да се зголеми за 55 отсто до 2040 година во однос на 2020 година, јавува Анадолу.

Според податоците на Светската здравствена организација (СЗО), се проценува дека до 2040 година во светот ќе има 28 милиони новозаболени од карцином.

Според овие процени, се очекува до 2040 година да дојде до пораст на заболените од карцином за 54,9 отсто во однос на 2020 година, при што овој пораст ќе биде за 60,6 отсто поголем кај мажите отколку кај жените (48,8 отсто).

Карциномот, кој е втор најчест причинител на смрт, се дијагностицира кај 734.000 луѓе секоја година.

Во 2020 година секој шести случај имал смртен исход.

Според последните податоци, во 2020 година во светот од карцином заболеле над 19,2 милиона луѓе, додека од карцином починале над 9,9 милиони луѓе.

Најчести видови карцином се карциномот на белите дробови, простатата, дебелото црево, желудникот и црниот дроб кај мажите и на дојката, дебелото црево, белите дробови, грлото на матката и тироидната жлезда кај жените.

Годишно околу 400.000 деца во светот заболуваат од карцином.

Значителен број пациенти немаат пристап до навремена дијагноза и лекување.

Од 30 до 50 отсто од смртните случаи поврзани со карцином може да се спречат со рано откривање и ефикасно лекување.

Во земјите во кои здравствениот систем е силен, стапката на преживување на пациентите болни од карцином се зголемува благодарение на факторите како рана дијагноза и квалитетно лекување.

Просечната стапка на закрепнување од околу 50 отсто се зголемува, во зависност од видот.

Третманите како што се операција, хемотерапија и трансплантација на коскена срцевина се најчести третмани за борба против карцином.

Според Меѓународната агенција за истражување на карциномот (IARC), Азија води во однос на бројот на заболени од карцином.

Од оние со дијагноза карцином, над 4,3 милиони живеат во Европа, над 2,5 милиони во Северна Америка, над 1,4 милиони во Латинска Америка и на Кариби и над 1,1 милион во Африка.

Земја со најголема инциденција на карцином во светот во однос на популацијата е Австралија со 468 случаи на 100.000 луѓе, а по неа е Нов Зеланд со 438 случаи.

По овие земји следуваат Ирска со 373 случаи на 100.000 луѓе, Унгарија со 368 случаи, САД со 352 случаја и Белгија со 345 случаи.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Герасимовски за барањето на Арсовска за враќање на Ќосето: Згрешена ви е адресата, обратете се во Собранието

Следно

На средбата Ковачевски – Вучиќ – Рама во Италија се разговарало и за можноста за отворање на границите меѓу трите земји

Latest from Blog

Студија: Глобалниот животен век се врати на нивото пред пандемијата на Ковид-19

Глобалниот животен век во 2023 година се врати на нивото забележано пред пандемијата на Ковид-19, зголемувајќи се на 76,3 години за жените и 71,5 години за мажите, според долгогодишната студија за смртноста

Мантил кој треба да го имате оваа есен: Бојата е брутално добра, а најдобро од сè, ве прави да изгледате послаби

Оваа есен е совршена можност да го освежите вашиот гардеробер и да внесете доза на оригиналност во вашиот изглед. Freepik Новите модни трендови го трасираат патот на темнозелен мантил – нијанса која

Удар за Курти: Ја изгуби Јужна Митровица и во Приштина – нема мнозинство

Албин Курти ги загуби локалните избори во Косово и Метохијa Јужна Митровица и Приштина. Кандидатот на Албин Курти, актуелниот министер Фатон Пеци, загуби во изборната трка бидејќи Аријан Тахири од Демократската партија

Романците во „фото-финиш“ ја победија Австрија, Данска ја „преслуша“ Грција

Данска, Хрватска и Полска без поголеми проблеми дојдоа до планираните победи во вечерашните квалификациски дуели за пласман на светското првенство. За разлика од нив, селекцијата на Романија со гол во последната минута

Николоски: Пецаков ќе има историски најголема победа, реализираше бројни проекти и покрај тоа што три години имаше опструкции

,,Во Охрид ќе имаме историски најголема победа на 19. октомври, Кирил Пецаков реализираше бројни проекти и е првиот градоначалник на општината што има далеку поголема поддршка за разлика од првиот пат кога
Go toTop