Обновливите извори на енергија се иднината на енергетскиот сектор, но нивниот целосен потенцијал може да се искористи само со модерна инфраструктура, системи за складирање и паметно управување, порача министерката за енергетика, рударство и минерални суровини Сања Божиновска.
„Обновливата енергија мора ефикасно да ја произведуваме, складираме, пренесуваме и користиме. Затоа, соларните и ветерните капацитети мора да ги поврземе со системи за складирање, паметни мрежи и дигитално управување“, истакна Божиновска.
Според министерката, енергетската трансформација не подразбира само изградба на нови капацитети за производство на зелена енергија, туку и создавање интегриран систем кој ќе овозможи стабилно снабдување и поефикасно користење на енергијата.
„Иднината е во паметното поврзување на технологиите“, нагласи Божиновска, посочувајќи дека дигитализацијата и иновативните решенија ќе имаат клучна улога во развојот на современиот енергетски систем.
