Блумберг: САД ќе испратат над 30 тенкови „Абрамс“ во Украина

January 25, 2023
1 min read

САД ќе испратат 31 тенк „М1 Абрамс“ во Украина како нова воена помош вредна 400 милиони долари, соопшти денеска Блумберг, преку повеќе објави на Твитер.

Претходно денеска, неименуван американски претставник за агенцијата Анадолија изјави дека американскиот претседател Џо Бајден утре или во наредните неколку дена ќе соопшти дека САД во Украина ќе испратат тенкови „М1 Абрамс“.

– Претседателот Бајден ќе објави дека ќе испорача тенкови „М1 Абрамс“ во Украина, рече изворот и додаде дека пакетот што ќе биде објавен може да вклучува тенковска единица, односно контингент од 30 до 50 тенка.

Овој чекор на администрацијата во Вашингтон доаѓа откако Германија се двоумеше да испорача тенкови „Леопард“ во Украина, по што денеска донесе позитивна одлука.

Обраќајќи им се на новинарите во текот на денот, американски официјални претставници изјавија дека Вашингтон е склон да испорача тенкови на Украина во рамките на дипломатски договор со Германија.

Според тоа, САД ќе испорачаат на Украина тенкови „М1 Абрамс“ во замена за тоа што Германија на Украина и Полска ќе треба да им ги отстапи тенковите „Леопард“ од сопствениот инвентар и да одобри согласност на други држави да понудат тенкови од германско производство на Украина.

Американската администрација тврдеше дека во оваа фаза не е соодветно на Украина да ѝ се дадат тенкови „Абрамс“, повикувајќи се на скапото одржување и обуката.

Меѓутоа, официјалните претставници кои разговараа со американските медиуми сугерираа дека ставот на Вашингтон се променил при телефонскиот разговор на 17 јануари меѓу Бајден и германскиот канцелар Олаф Шолц, наведува Анадолија.

Тенкот Абрамс е во употреба од 1980 година и оттогаш се произведени околу 10.700 во различни верзии.

Се користеше во Заливската војна, како и во војните во Авганистан, Ирак и Јемен.

Претходно денеска Германија одобри испраќање на тенкови Леопард 2 во Украина и нивен повторен извоз од земјите партнери.

Во првиот пакет во Украина ќе бидат испорачани 14 Леопард 2 од германските воени резерви, а Берлин ќе обезбеди логистика и муниција.

ИЗВОР: kurir.mk

VERO JUMBO MACEDONIA

EVN MACEDONIA

AUTO SHKOLLA BEKO

MATINA DENTAL CLINIC

Претходно

(ВИДЕО) Зеленски за време на интервју дозна дека Германија ќе испрати тенкови за Украина

Следно

Изречени 68 санкции за брзо возење на територија на СВР Битола

Latest from Blog

Нагло порасна бројот на жртви во големиот пожар во облакодерите во Хонг Конг

Повторно се зголеми бројот на жртви во катастрофалниот пожар што минатата недела го зафати станбениот комплекс „Ванг Фук Корт“ во Хонг Конг. Локалните медиуми, повикувајќи се на полицијата, наведуваат дека досега се

Стражај: Имате горчливо искуство со билатерализација на пристапниот процес, барањата не може да одат во недоглед, на потег е ЕУ

Македонија има горчливо искуство со ставањето на билатералните прашања во процесот на евроинтеграција. Вие со децении се подготвувате за процесот на пристапување и сте уморни од овие процеси, но сега во Европската

200.000 странски туристи ја посетиле Србија во октомври – КОИ СЕ НАЈБРОЈНИ ГОСТИ?

Во октомври 2025 година, во Србија биле регистрирани 382.861 туристи, од кои поголем број биле странски (204.278) отколку домашни (178.583). Според податоците на Републичкиот завод за статистика, во октомври Србија ја посетиле

Меси е најдобриот асистент во историјата на фудбалот (ВИДЕО)

Фото: ФЦ Интер Мајами/Твитер Интер Мајами го декласираше Њујорк Сити со 5:1 во финалето на Источната конференција на МЛС. Аргентинецот Тадео Аљенде постигна хет-трик, неговиот сонародник Матео Силвети додаде еден гол, а
Go toTop