Францускиот напаѓач на Реал Мадрид, Карим Бензема, стана првиот играч во историјата на клубот кој постигнал најмалку 20 гола во 11 сезони.
Искусниот фудбалер во неделата во победата од 6:0 против Ваљадолид, во 27. коло од шпанскиот шампионат, постигна хет-трик за седум минути. Бензема оваа сезона постигна 22 гола во сите натпреварувања.
Французинот до вчера го делеше рекордот со легендарните Алфредо ди Стефано и Раул, кои во десет сезони постигнаа најмалку 20 гола за кралскиот клуб.
Бензема, исто така, стана сопственик на најбрзиот хет-трик на Реал Мадрид во натпреварите во Ла Лига од 19 април 1992 година, кога Фернандо Јеро постигна три гола против Еспањол во интервал од шест минути.
35. годишниот напаѓач е во Реал од 2009 година.
ИЗВОР: kurir.mk
