Шпанскиот великан Барселона во неделата официјално ја освои 27. титула во Примера со што ја комплетираше одличната сезона во која беше освоен и трофејот во Супер Купот на Шпанија.
Овие успеси треба да бидат почеток на една нова успешна ера на клубот, но по истите има сериозен потрес затоа што за кратко време заминување најавија три важни играчи. Првиот е оној на теренот, Серхио Бускетс кој одлучи дека е време за разделба со Барселона, додека останатите две имиња се „мозоците“, креаторите на овој шампионски тим на каталонците.
Прво беше потврдено заминувањето на „оперативецот“ Матеу Алемани, а сега на ист чекор се одлучи и Жорди Кројф. Кројф беше спортски директор, човек кој беше најблизок соработник на Алемани, поточно имаше значајна улога во остварување на доста трансфери.
Тој исто како и Алемани ќе помогне во наредниот период додека Барса обезбеди нови луѓе на испразнетите позиции, а еден од оние кој се најавува дека ќе пристигне е Деко
ИЗВОР: kurir.mk
