Бајден: САД нема да испратат борбени авиони Ф16 во Украина

Вечерва за ова прашање зборуваше и францускиот претседател Емануел Макрон, кој не ја исклучи можноста Париз да испрати борбени авиони во Киев, но под одредени услови

Американскиот претседател Џозеф Бајден денеска изјави дека Вашингтон нема да испраќа борбени авиони Ф16 во Украина, пренесе Ројтерс.

Минатата недела западните медиуми објавија дека група воени претставници „тивко“ барале од Пентагон да испрати Ф16 во Киев.

Вечерва за ова прашање зборуваше и францускиот претседател Емануел Макрон, кој не ја исклучи можноста Париз да испрати борбени авиони во Киев, но под одредени услови.

„Условите се оваа опрема да не доведе до ескалација на тензијата или да се користи на руско тло, а се подразбира дека нејзиното испраќање нема да ги загрози капацитетите на француската армија“,

посочи Макрон на прес-конференција во Хаг, каде што се сретна со холандскиот премиер Марк Руте.

Тој исто така нагласи дека Украина мора да поднесе официјално барање.

САД ќе испратат тенкови М1 „абрамс“ во Украина за неколку недели.