Бајден: Поддршката на Украина е „обврска на светот“

January 25, 2023
1 min read

Американскиот претседател Џо Бајден, на денешната прес-конфренција, најави дека САД ќе испратат 31 тенк „Абрамс“ во Украина. Тој соопшти дека утрово разговарал со германскиот канцелар Олаф Шолц, францускиот претседател Емануел Макрон, британскиот премиер Риши Сунак и италијанската премиерка Џорџа Мелони за поддршката за Украина.

– Денеска објавувам дека Соединетите Американски Држави ќе испратат 31 тенк Абрамс во Украина, што е еквивалент на еден украински баталјон, рече тој. – Државниот секретар Лојд Остин го препорача овој чекор бидејќи со тоа ќе се зајакне капацитетот на Украина да ја брани својата територија и да постигне стратешки цели, рече американскиот претседател.

Бајден посочи дека тенковите Абрамс се најспособните тенкови во светот и тие се, исто така, исклучително сложени за ракување и одржување. – Значи, на Украина и ги даваме деловите и опремата неопходни за ефикасно одржување на овие тенкови на бојното поле.

Тој вели дека за испорака на овие тенкови „ќе биде потребно време“, но САД ќе се погрижат украинските трупи да бидат „целосно подготвени“ да управуваат со тенковите.

– Поддршката на способноста на Украина да се бори против руската агресија, да го брани својот суверенитет и територијален интегритет е обврска на светот, додава тој.

Претходно и Белата куќа соопшти дека ќе испрати „Абрамс“ во Украина, а САД ќе обезбедат и соодветна обука и делови неопходни за оперативност на тенковите.

ИЗВОР: kurir.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

(ФОТО) Маж со нож напаѓаше патници во воз во Германија, има и мртви

Следно

Кабинетот на Пендаровски се огласи по заканите на Џамбаски, МНР ќе се обрати до Европскиот парламент

Latest from Blog

Комо знае како против Јувентус (ВИДЕО)

Тимот на Комо предмалку извојува супер победа над тимот на Јувентус на домашен терен во рамките од првиот дуел од денешната Серија А понуда. Пред полниот свој стадион, Комо одигра одличен дуел,

До 13 часот излезеноста 20,12 отсто

Излезеноста на локалните избори до 13:00 часот е 20,12 отсто, соопшти Државната изборна комисија (ДИК). Како што информира портпаролката на ДИК Радица Тодоровска Алексовска, до 13:00 часот се пристгнати податоци од 3
Go toTop