Американскиот претседател Џо Бајден и канадскиот премиер Џастин Трудо постигнаа договор со цел да ги спречат барателите на азил да ја преминат канадско-американската граница преку неофицијални контролни пунктови
Претседателот Џо Бајден и канадскиот премиер Џастин Трудо најавија дека склучиле договор кој има за цел да го запре протокот на баратели на азил на неофицијалните гранични премини од САД кон Канада.
„САД и Канада ќе работат заедно за да ги обесхрабрат нелегалните преминувања на границите и целосно да го спроведат ажурираниот Договор за безбедна трета земја“,
рече Бајден за договорот при неговата посета на Канада како претседател.
Во говорот пред канадскиот парламент, Бајден ја поздрави посветеноста на северниот сосед на САД да прифати 15 илјади мигранти од американскиот континент.
Американскиот претседател Џо Бајден и канадскиот премиер Џастин Трудо постигнаа договор со цел да ги спречат барателите на азил да ја преминат канадско-американската граница преку неофицијални контролни пунктови.
Во разговорите при средбата, двајцата лидери се осврнале на 13-месечната војна во Украина, воените трошоци, заедничката загриженост за агресивноста на Кина и насилството и политичката нестабилност на Хаити.
Бајден рече дека нивниот заеднички просперитет е длабоко поврзан со заедничката безбедност. Тој рече дека двете земји како членки на НАТО „ќе ја бранат секоја педа од територијата на НАТО“.
Трудо рече дека двете земји ќе застанат рамо до рамо со Украина.
„Нашиот начин на живот се соочува со повеќе закани во исто време“,
истакна тој.
Извор: 360stepeni.mk
