Претседателот на САД, Џо Бајден, заминува за Европа во мисија која треба да биде знак на пркос во пресрет на годишнината на нападот на Русија врз Украина. Се очекува дека американскиот претседател ќе прати јасна порака – Вашингтон останува со Киев до крајот на војната. Европската турнеја на Бајден доаѓа во критичен момент – се најавува нова руска офанзива, а западните сојузници, кои ја поддржуваат Украина, мака мачат да испорачаат доволно оружје и муниција кое секојдневно на фронтот е троши во огромни количини.
Бајден утре заминува за Полска каде ќе се сретне со првите луѓе на државата, но и со другите клучни лидери на НАТО членки. Американските функционери веруваат дека одбраната на Украина е критична фаза зашто Русија се подготвува за нова пролетна офанзива. Украинците ги добиваат сите разузнавачки информации и сугестиите од Белата куќа се, како што пренесуваат американските медуми, да се подготват за силна одбрана, па дури и за контранапад.
Доаѓањето на Бајден во Полска е во прсерт на 24 февруари, денот кога ќе се одбележи годишнината од почетокот на војната. Се очекува дека рускиот претседател Путин ќе го искористи овој момент за нова манифестација на сила, иако и тоа е под знак прашалник поради лошите перформанси на неговата во армија во изминатите 12 месеци.
Но, и покрај успесите на Киев, Русија сè уште контролира речиси 20 отсто од Украина и конфликтот прерасна во брутална војна на трошење ресурси, луѓе, муниција. Иако рускиот план за брза победа не се оствари, западните аналитичари стравуваат дека и во ваква ситуација, шансите се сепак на страната на Русија која има повеќе луѓе, повеќе оружје и повеќе време.
Од друга страна, Украина и покрај огромната помош од САД и Европа, сега се соочува со сериозен недостаток на муниција кој навреме не може да го пополнат ниту фабриките на земјите членки на НАТО.
Извор: 360stepeni.mk
