ЛОНДОН (АА) – Два авиони на НАТО „Тајфун“ пресретнаа руски авион за полнење гориво воздух-воздух во близина на естонскиот воздушен простор, се вели во соопштението на британското Министерство за одбрана, пренесува Анадолу.
„Борбениот авион на кралското воздухопловство ‘Тајфун’, што оперира од воздухопловната база ‘Амари’ во Естонија, го изврши првото заедничко пресретнување на воздушната полиција на НАТО заедно со авионот на германските воздухопловни сили“, се вели во соопштението.
„Авионите се лансирани вчера со цел да пресретнат руски авион за полнење гориво воздух-воздух што летал блиску до естонскиот воздушен простор“, се додава во ова соопштение.
Двата авиони „Тајфун“ се споени да го придружуваат рускиот авион „ИЛ78 Мидас“, за кој во соопштението се вели дека летал меѓу Санкт Петербург и Калининград и не успеал да искомуницира со контролата на воздушниот сообраќај во Естонија.
„По успешната визуелна идентификација и придружба, двата авиони ‘Тајфун’ повторно добија задача да пресретнат патнички авион ‘AN148’, што исто така го минува естонскиот воздушен простор“, се вели во соопштението.
Британскиот министер за вооружени сили, Џејмс Хепи, рече: „НАТО продолжува да ја формира основата на нашата колективна безбедност.“
„Ова заедничко распоредување на Обединетото Кралство и Германија на Балтикот јасно ја покажува нашата колективна решителност да ја оспориме секоја потенцијална закана за границите на НАТО, истовремено покажувајќи ја нашата комбинирана сила“, додаде Хепи.
Извор: www.aa.com.tr
