Средба во Брисел и учество на Европскиот комитет на региони 14.3.2023

1 min read

Денес градоначалничката на град Скопје Данела Арсовска, учествуваше на состаноци на неколку институции на ЕУ, меѓу кои и на Европскиот комитет на региони во Брисел, каде на панел дискусија со Евелин Регнер, потпретседателката на Европскиот парламент, Јута Урпилаинен, комесар на ЕУ за меѓународни партнерства и Васко Алвес Кордеиро, претседател на Европскиот комитет на регионите, се разговараше за глобалното женско лидерство, се разменија искуства и практики со цел надминување на предизвиците и поттикнувањето родова еднаквост во одлучувањето.

Европскиот комитет на регионите е гласот на градовите во Европската унија, кој ги претставува локалните власти низ ЕУ и гради нови политики и закони кои имаат влијание врз градовите и локалните власти низ Европа.

Советот за женско претприемништво на Град Скопје како прва платформа од овој вид во Македонија, е препознаена како добра пракса и имплементирана во повеќе градови, при што годинава покрај учеството во градењето на политиките на локално ниво, како дел од предлозите на советот, за прв пат се одвојува буџет за финансиска поддршка на жените претприемачи со цел придонес за нивно економско зајакнување и финансиска независност.

ИЗВОР: skopje.gov.mk

Претходно

„МАЛ БИТОЛСКИ МОНМАРТР“ ЌЕ СЕ ОДРЖИ СО ДОНАЦИИ, ПА И СО КРЕДИТ АКО ТРЕБА, НАЈАВИЈА ОРГАНИЗАТОРИТЕ

Следно

Авионите на НАТО пресретнаа руски авиони за полнење гориво воздух-воздух во близина на естонскиот воздушен простор

Latest from Blog