АНКАРА (АА) – Првата пратка на борбени возила „М2 Бредли“ тргна од Соединетите Американски Држави (САД) за Украина, соопшти американската војска, пренесува Агенција Анадолија (АА).
Пратката, која вклучува над 60 возила „Бредли“, ја напушти американската сојузна држава Јужна Каролина минатата недела, соопштено е од Командата на американскиот транспортен корпус.
Возилата ќе им обезбедат на украинските сили „дополнителни офанзивни и дефанзивни способности за заштита на своите граници од нелегитимната инвазија на Русија“, се истакнува во соопштението.
На 19 јануари, САД објавија дека ќе обезбедат дополнителни 2,5 милијарди долари воена помош за Украина.
Покрај борбените возила „Бредли“, пакетот вклучува осум системи за противвоздушна одбрана „Авенџер“ и 90 оклопни носачи „Страјкер“, како и друго оружје и муниција.
Извор: www.aa.com.tr
