Адвокатот Асмир Алиспахиќ во 24 анализа рече дека треба да има еднаквост во преземените мерки на сите осомничени за трагедијата во Кочани.
Според него, не треба за едни да има ефективен притвор а за други куќен.
„Ме зачудува фактот да некои други лица кои според описот се помалце инволвирани да се во притвор ефективен а татковците на градот кои се менувале со текот на годините да бидат двајца со куќен притвор а сегашниот Папазаов е во ефективен притвор. Што е поразличен за Папазов, што поразлично за Бектеши кој не е на фукција, што е поразлично за обични службеници кои не работат повеќе. Тоа треба да го види Апелациониот суд и да ги разгледа сите наоди кои во моментот сметам дека одат во прилог на Јавното обвинителство. Штотуку започаната истрага и да се овозможи куќен притвор на двајцта гардоначалници кои не се веќе во функција а сегашниот да е во ефективен. Се надевам дека ќе се разгледа наодот на Јавното обвинителство. За поранешната директорка на Државниот пазарен инспекторат мислам дека образложението беше здравстевни проблеми и тука мислам дека преовладувал хуман аспект. Мислам дека поради тоа е мерката куќен притвор. Ако останме на куќен притвор за градоначалниците, тоа треба да се почитува и за останатите осомничени лица. Треба да има еднаквост во презмените мерки“, додаде Алиспахиќ.
Тој објасни и дека се надева на тоа дека целиот процес ќе има судска правда.
„Апелирам но и се надевам на судска разрешница со правда. Апелирам да се преземе сериозна истрага во секој детал, не само во конкретната ситуација во која се опфатени овие лица туку и да се видат и сите пропусти кои ги направиле сите претходни и сегашни лица. Правото на живот е неприкосновено право на еден човек, не можеме да си дозволиме системот да го одземе правото на живот“, додаде Алиспахиќ.
Извор: 24vesti.mk
