Генералниот секретар на ДУИ, Фатон Ахмети вечерва во емисијата „Click Plus“ на ТВ21 порача дека доколку Уставниот суд за јазикот донесе иста одлука како онаа за Балансерот, може да дојде до непосакувани ситуации за државата.
„Посакувам Уставниот суд да не донесе одлука како во случајот со етничката припадност , така и за случајот со „балансерот“. Затоа што мислиме дека се она што го загрозува Охридскиот договор, соживотот и меѓуетничката кохезија, може да доведе до непосакувани и непоправливи ситуации за самата држава. Посакувам да се повикаат на паметта и да не се впуштаат во авантури кои може да доведат до несовладливи последици“, вели Ахмети.
ИЗВОР: ТВ 21
