Македонија и Хрватска ја продлабочуваат образовната соработка

December 2, 2024
1 min read

Преку размена на позитивни практики и искуства, Македонија и Хрватска ќе ја зајакнуваат образовната соработка и ќе унапредуваат повеќе аспекти на националните воспитно – образовни системи. Особено внимание ќе се посвети на стручното образование и обуката, ќе се работи на поврзување и развој на регионалните центри кои промовираат и реализираат ваков вид на образование и на основање образовни центри за извонредност.

За ова денеска се дискутираше на состанок во хрватското Министерство за наука, образование и млади, каде во работна посета е делегација од Македонија, составена од претставници на повеќе образовни институции и на УНДП, а предводена од државниот секретар во МОН, Елена Ивановска.

Целта е да се формализира соработката предвидена во билатералната програма која министрите за образование на двете земји ја потпишаа во август годинава, со важност до 2028. Двете страни ќе основаат заедничка комисија која периодично ќе се состанува и ќе развива и реализира иницијативи од интерес на државите. Покрај средното стручно образование, акцент ќе биде ставен на процесот на дигитализација и воведување вештачка интелигенција во наставните програми.

Предвидена е соработка и во областа на предучилишното, како и во основното образование, особено во делот на поедноставување на постапките за изработка на учебници и наставни материјали.

Хрватската страна беше претставувана од државниот секретар за наука, образование и млади Зринка Мужиниќ Бикиќ, директорката на Управата за воспитување и образование Весна Шерепац и раководители на повеќе сектори во двете институции.

ИЗВОР: kurir.mk

MARKETING

MARKETING

Претходно

ДКСК примила претставка за директорката на АР – дали наводите се точни или не, ќе утврдува Сиљановска Давкова

Следно

Режимот на Асад и опозициските сили ги зајакнуваат воените позиции околу сирискиот град Хама

Latest from Blog

Битола со поворка и свеченост му оддаде почит на Александар Турунџев (ГАЛЕРИЈА)

Со голема свеченост и поворка исполнета со историска симболика, вчера во Битола беше откриен споменикот на македонскиот револуционер и војвода Александар Турунџев. Градоначалникот на Општина Битола, Тони Коњановски, заедно со потомците на

Путин пристигна во четиридневна посета на Кина

Рускиот претседател Владимир Путин пристигна во Кина на четиридневна посета на покана од кинескиот претседател Си Џинпинг, каде што ќе присуствува на безбедносен самит. На аеродромот беше пречекан со црвен тепих и

Поради невремето во Скопје на 112 повеќе пријави за паднати дрвја, скинати кабли на ЕВН и оштетување на приватна сопственост

Како резултат на невремето кое во попладневните часови го зафати Градот Скопје, на бројот за итни повици 112 биле пријавени паднати дрвја, скинати кабли на ЕВН и во мал дел оштетување на

Трансфери: Челзи се пофали со Гарначо! Исак ќе заврши во Ливерпул а Пакета во Астон Вила?!

ФОТО: Chelsea F.C./FB До крајот на летниот преоден рок остануваат само уште помалку од два дена, а се очекува официјализирање на неколку трансфер “бомби“. Алехандро Гарначо и официјално е во Челзи. Светскиот
Go toTop