Дигитализирањето во македонското високо образование е задоцнето, но ќе биде. Ова е приоритет на ресорното министерство со цел подобри услови, модернизирање на класичните предавања и заминат во историја долгите редици чечање по студентски прашања особено во периодите кога се запишува семестар и година е резимето на министерката за образование и наука Весна Јаневска од конференцијата за дигитализација на високото образование што се одржа на ФИНКИ.
Од форумот за образовни промени кои воедно и се организатори на конференцијата порачаа сека ова не треба да претставува луксуз напротив во целиот свет дигитализирањето е толку развиено во сите сфери на живеењето.
Претседавачот на Националното студентско тело и претседател на Студентското собрание на УКИМ Александар Николовски потенцира дека од овој семестар дигитализирале два обрасци, за упис и за заверка на семестар. Тековно работеле со Државниот завод за статистика за уште три документи да бидат дигитализирани, од следниот семестар уште три, потврдата за редовен студент, уверението за упис и уште еден образец.
За потсетување од оваа академска година на студентите од УКИМ им се наметна дополнителна давачка покрај плаќањето на школарина, станува збор за набавка на ресури за реализација на студентските програми, на што остро реагираа од студентскиот отпор и организираа петиција против овие трошоци со барање од догодина да бидат укинати додека пак за лениот семеста од 2024/2025 партиципацијата да биде намалена за износот што биле принудени сега да го платат по основ на ново наметнатите давачки.
Извор: 24vesti.mk
