ЛА СПЕЦИЈА (АА) – Чинкве Тере, во превод „Петте земји“, е живописен крајбрежен регион што се наоѓа на листата на Светското наследство на УНЕСКО и секоја година привлекува илјадници посетители со своите природни убавини и колоритни градби, јавува Анадолу.
Овој живописен предел се наоѓа во Ла Специја, на брегот на Лигурија, во северозападниот дел на Италија, каде што е создаден уникатен спој на пејсажот и градбите.
Овој регион, кој опфаќа пет села – Риомаџоре, Манарола, Корниља, Вернаца и Монтеросо ал Маре – плени со пастелните бои на куќите изградени на стрмните карпи покрај морето.
Секое село има своја уникатна историја и архитектура и нуди посебно искуство за посетителите што трагаат по природните убавини и традиционалниот италијански дух.
Извор: Anadolu Agency (AA)
