Потпретседателката на САД Камала Харис има поддршка од 50 отсто додека поранешниот претседател Доналд Трамп има поддршка од 47 отсто во претседателската трка, според Си-Ен-Ен во, како што ја нарекува „анкетата на сите анкети“.
Харис има пет проценти предност пред републиканскиот противкандидат Доналд Трамп, според новата анкета на Ен-Би-Си која покажува дека испитаниците поповолно гледаат на Харис откако таа стана демократска претседателска кандидатка. Посебна анкета на CBS News, исто така, покажа дека Харис води пред Трамп со четири процентни поени, 52 до 48 отсто меѓу веројатните гласачи, со маргина на грешка од два процентни поени. Сепак дел од аналитичарите укажуваат дека трката ќе биде крајно незивесна до самиот крај.
– Одамна не сме имале волку рамномерна трка, сите 7 клучни држави се со мала предност на еден или друг кандидат, веројатно е дека ќе има голем одзив на гласачите и решението ќе биде кој има поголем коалиција. Трамп има поголем одзив кај одредени групи, но демократите подобро стојат во други сегменти, ќе биде неизвесно до крај. – изјави аналитичарот Нејт Силвер.
Резултатите се во голема мера во согласност со другите национални анкети, вклучително и оние на Ројтерс и Ипсос, кои покажуваат дека изборите на 5 ноември ќе бидат тесна трка. И додека националните анкети даваат важни сигнали за ставовите на гласачите, резултатите од неколку клучни држави кои се менуваат ќе одлучат кој ќе биде идниот претседател или за прв пат, претседателка на САД.
Извор: 24vesti.mk
