ИСТАНБУЛ (АА) – Најмалку 3.574 лица загинаа во Сирија во низата силни земјотреси со епицентар во турската област Кахраманмараш, што во понеделникот го погодија регионот, покажуваат информациите објавени денеска, известува Анадолу.
Министерството за здравство на режимот на Сирија објави дека најмалку 1.408 лица загинаа во провинциите Алепо, Латакија, Хама и Тартус, додека 2.341 се повредени.
„Најмалку 2.166 лица загинаа, a над 2.950 се повредени во подрачјата што се под контрола на опозицијата во северозападна Сирија“, објави Сириската цивилна одбрана.
Два разорни земјотреси, првиот со интензитет од 7,7 степени по Рихтер, во понеделникот наутро во 4:17 часот по локално време, со епицентар во округот Пазарџик, и вториот во 13:24 часот, со интензитет од 7,6 степени по Рихтер, со епицентар во местото Елбистан, ги потресоа јужните делови на Туркије. Епицентрите на земјотресите се регистрирани во турската област Кахраманмараш.
Извор: www.aa.com.tr
