ВИДЕО: Спасен млад фудбалер, го јадел цвеќето на мајка му за да преживее, спасувачите не ги слушале неговите повици за помош

Младиот фудбалер на Газиантеп, Аднан Мухамет Коркут (17) е еден од преживеаните во разорниот земјотрес што во понеделникот ги погоди Турција и Сирија, а спасувачките тимови стигнаа до него по 94-часовна потрага.

Во исповед за турските медиуми, тинејџерот рекол дека преживеал јадејќи цвеќиња што ги одгледувала неговата мајка во станот на петкатница што се урнала во Газиантеп.

-Лежев меѓу урнатините во дневната соба. Беше студено, па се покрив со ќебе да се загреам. Нозете ми смрзнаа, ги пренесува турскиот „Хуриет“ зборовите на младиот фудбалер.

Gaziantep Gazispor forması giyen 17 yaşındaki Adnan Muhammet Korkut’un Eskişehirspor’a transfer olacağı ancak son gün deprem nedeniyle enkaz altında kaldığı ortaya çıktı. pic.twitter.com/6l9y4Onf3R

— Akif Yer (@AkifYER) February 10, 2023

-Не знаев каде ми е телефонот, го најдов кога се вклучи алармот. Го местев алармот да ѕвони на секои 25 минути за да не заспијам. Очајнички ги чекав спасувачите и одеднаш се слушнаа гласови. Имаме кученце, потоа го слушнав неговото лаење. Неговото лаење стигна до спасувачот, но не и мојот глас, мене не можеа да ме слушната, ја објаснува драмата низ која минувал Аднан.

Вели дека бил многу гладен, а јадел цвеќиња кои ги одгледувала неговата мајка.

#UMUTVARUYKUYOK

🙏🙏 Gaziantep’te Gölgeler Apartmanında 17 yaşındaki Adnan Muhammet Korkut, 94. saatte enkazdan sağ olarak kurtarıldı.

📽️ Kurtarılma anları ve sevdiklerinin mutluluğu pic.twitter.com/ERM6TMTEi8

— Ajansspor (@ajansspor) February 10, 2023

-Ги јадев цвеќињата што мајка ми ги чуваше за да го наполнам стомакот. Бев многу жеден. Последен пат се обидував да пуштам глас… Потоа зедов стап и чукав по таванот, стапот се скрши… Не можев да зборувам, но фала му на Бога, потоа видов светлина од дупка во далечината и луѓе кои ме викаа. Ме прашаа дали можам да стигнам до тој излез, но тоа беше невозможно. Чекав пет часа да го расчистат шутот малку и јас дојдов до нив, вели Аднан.

Бројот на загинати во разорните земјотреси што во понеделникот ги погодија Турција и Сирија достигна над 25.000, соопштија властите.