Израелците протестираа во Тел Авив и Ал Кудс барајќи договор за размена на затвореници со Палестинците

August 15, 2024
1 min read

АЛ-КУДС/ЕРУСАЛИМ (АА) – Голем број Израелци организираа протести во Тел Авив и Ал Кудс (Ерусалим), барајќи договор со Палестинците за ослободување на израелските затвореници во Појасот Газа, јавува Анадолу.

Протестите се одржаа во пресрет на патувањето на израелскиот преговарачки тим требаше во Катар денес за новата рунда преговори за прекин на огнот во Газа и размена на заложници.

Демонстрантите, вклучително и семејствата на заложниците, ја обвинија Владата на премиерот Бенјамин Нетанјаху дека ги напуштила израелските заробеници во Газа.

„Грабнати живи, оставени на смртта. Договорете се сега“, пишува на транспарентот што го носеа демонстрантите во Тел Авив.

Израел проценува дека околу 115 Израелци се заробени во Газа, за кои Хамас изјави дека десетици се убиени во израелските воздушни напади врз Газа.

Хамас вчера соопшти дека ќе се вклучи во претстојните преговори за прекин на огнот и размена на заложници во Газа доколку од Израел добие јасна определба да го спроведе предлогот поддржан од американскиот претседател Џо Бајден.

Бајден во мај рече дека Израел претставил трифазен договор со кој ќе се стави крај на непријателствата во Газа и ќе се обезбеди ослободување на заложниците што се држат во крајбрежната енклава. Во планот се вклучени прекин на огнот, размена на заложници и затвореници и обнова на Газа.

Со индиректните преговори со посредство на САД, Катар и Египет не се постигна договор за траен прекин на огнот и размена на заложници и затвореници поради одбивањето на израелскиот премиер Бенјамин Нетанјаху да го прифати барањето на Хамас за завршување на војната во Газа.

Во Газа досега убиени се над 40.000 Палестинци, главно жени и деца, а над 92.000 се повредени во офанзивата на Израел започната како одговор за нападот на Хамас на 7 октомври.

Израел е обвинет за геноцид пред Меѓународниот суд на правдата, со чија последна пресуда му се наложи веднаш да ја прекине воената операција во јужниот град Рафа, каде што повеќе од еден милион Палестинци побараа засолниште од војната пред да биде нападнат на 6 мај.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

ПОЧИНА АКАДЕМИК БОЈАН ШОПТРАЈАНОВ, КОМЕМОРАЦИЈАТА Е ЗАКАЖАНА НА 16 СЕПТЕМВРИ

Следно

Кирби: САД во наредните денови ќе обезбедат дополнителни пакети воена помош за Украина

Latest from Blog

Земјотрес го погоди Санторини

Земјотрес со јачина од 4,1 степен според Рихтеровата скала е регистриран во 02:25 часот наутро во близина на грчкиот остров Санторини. Според податоците од Геодинамичкиот институт при Националната опсерваторија во Атина, епицентарот

Републиканците во американскиот Конгрес се соочуваат со тешкотии при усвојувањето на законот на Трамп

Републиканците во американскиот Конгрес се соочуваат со предизвици во обидот да го усвојат пакетот намалувања на даноците и буџетот од претседателот Доналд Трамп, кој инсистира законот да биде усвоен до утре, 4

Одбиено обвинението против кумановскиот градоначалник, обвинителството се откажа од обвинението

Основниот суд Куманово донесе пресуда со која обвинението против кумановскиот градоначалник, Максим Димитриевски се одбива, бидејќи јавниот обвинител се откажал од обвинението, соопшти кумановскиот суд. -Основниот суд Куманово заради интерес на јавноста

Руско беспилотно летало оштети станбена зграда во украинскиот град Одеса, пет лица се повредени

ОДЕСА (АА) – Најмалку пет лица, меѓу кои две деца, се повредени откако руско беспилотно летало погоди станбена зграда во Одеса рано утринава, соопштија локалните власти, јавува Анадолу. Олех Кипер, началник на
Go toTop