Поротата во судот во Делавер реши дека Хантер Бајден е виновен за сите три обвиненија поврзани со негова илегална набавка на огнено оружје додека бил на дроги во 2018 година.
На Хантер Бајден му се заканува затворска казна до 25 години, иако како сефте сторител, тешко дека ќе ја добие максималната казна. Датумот на изрекување на пресудата сè уште не е одреден.
На поротата ѝ требале само три часа да донесе пресуда која дошла толку брзо што многу членови на семејството Бајден, вклучително и првата дама, не биле присутни кога беше објавена.
Несекојдневното судење – прво за син на актуелен претседател – извадило интимни детали за семејството Бајден, вклучително и сведочења на поранешни романтични партнери на Хантер. Се зборувало за секс и зависности при што обвинителството го прикажа Хантер како богат и лажлив зависник од крек, додека одбраната тврдеше дека тој е добронамерен, семејно ориентиран човек кој се бори со болест.
Вдовицата на Бо Бајден (постариот син на Џо и Џил Бајден кој почина во 2015), која имала сексуална афера со Хантер, сведочеше дека деверот ја запознал со крек кокаинот и дека често ја лажел каде е и што прави.
Кетлин Буле, која се разведе од Хантер во 2017 година, сведочеше дека често ја чистела неговата кола бидејќи не сакала ќерките, кога ќе ја позајмат, да се возат во автомобил полн со дрога.
Во септември чека судење за даночно затајување.
ИЗВОР: off.net.mk
