Надлежните си ја префрлаат одговорноста за санација на потпорниот ѕид кај Детската клиника. Од Град Скопје се изземаа од одговорност и посочија дека Општина Центар и Министерството за здравство се надлежни за овој проблем. Од Општина Центар пак велат дека ако било во нивна надлежност досега ќе го решеле проблемот и дека безбедноста и одржувањето на улицата „Белградска” е обврска на градските власти.
Центарот за управување со кризи предупредувал уште пред две години дека може да се сруши ѕидот , но никој не реагирал. Вчера дел од ѕидот заврши на улицата, а дел во дворот на Клиничкиот центар.
Извор: 24vesti.mk
