Масовните убиства се случуваат кога американската антитерористичка стратегија во западноафриканскиот Сахелов појас очигледно пропаѓа, откако воени офицери обучувани од САД започнаа долга серија државни удари, вклучително и во самата Буркина Фасо. И покрај државните удари и масакрите, САД не ги прекинаа врските со Буркина Фасо, а контингент на американските сили останува во земјата за да помогне на вооружените сили кои ѝ служат на владеачката хунта.
Масакрите на Буркинабе војниците се само најновите масовни убиства од страна на војската на Буркина Фасо во нивните „контра-терористички“ операции во кои страдаат цивили осомничени дека соработуваат со исламистички милитантни.
Западноафриканскиот Сахел некогаш се сметаше за успешна приказна на американската надворешна политика, но во последната деценија насилството постојано се интензивираше како што САД инсистираа на својата антитерористичка стратегија.
Меѓутоа, пучевите на тамошни воени офицери поврзани со САД донесоа со себе неочекувани а сеизмички геополитички промени.
Нигер, на пример, местото на последниот државен удар од страна на офицери обучени од САД во Сахел, ги прекина своите долгогодишни врски со американската војска и им посака добредојде на руски тренери.
Иако воените пучеви се правдаа како реакција на зголемената активност на исламските фундаменталисти, дури после нив вториве добија на сила: Во 2002 и 2003 година, во цела Африка, Стејт департментот регистрирал само 23 жртви од терористички напади. Само лани и само во Буркина Фасо имало 7.762 жртви од нападите на милитантните исламисти. Тоа е скок од речиси 34.000 проценти.
Важно стратегијата не се менува.
ИЗВОР: off.net.mk
