КУДС (АА) – Израел ја разгедува можноста за снабдување на Украина со својот најсовремен противракетен одбранбен систем „Железна купола“, изјави денес израелскиот премиер Бенјамин Нетанјаху, пренесува Анадолу.
„Прашањето за испорака на оружјето беше разгледано и одбиено од претходната израелска Влада. Ќе го разгледам ова прашање и ќе одговорам на најадекватен начин“, изјави Нетанјаху во интервју за францускиот канал LCI.
Тој, сепак, нагласи дека Израел мора да ги разгледа своите опции и да ги земе предвид своите интереси во регионот.
„Придонесот на Израел веројатно ќе биде во други области“, додаде израелскиот премиер.
Нетанјаху објасни дека Израел ѝ пружил хуманитарна помош на Украина и прифатил голем број украински бегалци.
Нетанјаху за време на неговата изборна кампања вети дека ќе размисли за испорака на оружје за Украина доколку биде избран.
Минатата година, Русија започна војна против Украина, што беше дочекано со меѓународен гнев, поради што Европската Унија, Г-7, САД и Велика Британија, меѓу останатите, воведоа строги санкции за Москва.
Извор: www.aa.com.tr
