Најголемиот музички натпревар „Евровизија“ годинава се одржува во Малме со првото полуфинале. Второто полуфинале е во четврток 9 мај, а финалето на 11 мај.
Евросонг 2024 ќе се одржи во Арената Малме во Шведска. Таа е повеќенаменска сала со 15.500 седишта, која служи како место за ракометни натпревари, за концерти и за други настани. Оваа сала веќе беше домаќин на Изборот за песна на Евровизија во 2013 година.
Директни финалисти се Велика Британија, Италија, Германија, Франција, Шпанија и овогодинешниот домаќин Шведска. од балканските земји Србија ќе настапи во првата полуфинална вечер, а Теа Дора ќе настапо втора со „Рамонда“. Хрватскиот претставник Бејби Лазања (Марко Пуришиќ), ќе настапи во првата полуфинална вечер на 7 мај со песната „Рим Тим Таги Дим“.
Во првата полуфинална вечер ќе настапат: Кипар, Хрватска, Ирска, Литванија, Полска, Србија, Украина, Австралија, Азербејџан, Финска, Исланд, Луксембург, Молдавија, Португалија и Словенија.
Во втората полуфинална вечер ќе учествуваат: Албанија, Ерменија, Австрија, Чешка, Данска, Грција, Малта, Швајцарија, Белгија, Естонија, Грузија, Израел, Летонија, Холандија, Норвешка и Сан Марино.
Презентери на 68. Избор за песна на Евровизија ќе бидат холивудската и шведска актерка Малин Окерман и Петра Меде, шведска актерка и комичарка, која веќе двапати беше домаќин на најголемото европско музичко натпреварување.
Mожно да се гласа од 14 земји кои утре ќе се натпреваруваат, меѓу кои се Хрватска и Словенија, но и гледачи во Велика Британија, Германија и Шведска . Дополнително, можно е да се гласа и од таканаречениот „остаток од светот“, односно од земји кои воопшто не се натпреваруваат на Евровизија.
Џони Логан (69) ќе настапи вечерва во паузата. Тој беше првиот пејач кој победи на Евровизија двапати како пејач, во 1980 и во 1987 година, а потоа и трет пат во 1992 година како текстописец, па затоа беше поканет да се придружи на годинешното издание речиси четири децении подоцна.
Извор: 24vesti.mk
