ГАЗА (АА) – Најмалку десет Палестинци загинаа во напад на израелската војска врз објектите на спортскиот клуб Шуџаје во градот Газа, пренесува Анадолу.
Како што објави палестинската новинска агенција ВАФА, израелските сили со беспилотни летала го бомбардирале спортскиот клуб Шуџаје во источниот дел на градот Газа.
Во нападот загинати се најмалку десет Палестинци, а 30 се повредени.
Во нападот што израелската војска го изврши во индустриската зона во источниот дел на градот Газа, убиени се петмина Палестинци, а 20 се повредени.
Во јужниот дел на Појасот Газа израелската војска со артилериски оган ги гаѓаше југозападните делови на градот Хан Јунис.
Во израелските напади врз Појасот Газа од 7 октомври минатата година загинаа 32.623 Палестинци, а 75.092 се повредени, соопшти Министерството за здравство во Газа.
Извор: Anadolu Agency (AA)
