Албанската опозиција „Вреди“ го промовира Тараври за кандидат за претседател

Кандидатот за претседател на политичките партии од коалицијата „Вреди“ Арбен Таравари, синоќа беше промовиран на митинг во Гостивар.

Албанската опозиција вчера ја почна промотивната конвенција во Гостивар. Таравари посочи дека ќе биде поинаков и претседател на сите граѓани и најави дека ќе се ангажира за избор на претседател во Собрание, уставните измени и бришење на терминот 20 проценти.  Тој најави дека ќе се бори за слобода, еднаквост и хармонија во Северна Македонија, бидејќи, како што рече, народот е на прво место, што е и неговото мото.