реклама
Зулфија Амза, Фердикан Селмани и Леонардо Мемеди се дел граѓаните на кои денеска првпат им беа доделени изводи од матичната книга на родените.
Тие беа дел од 526 предмети кои ги водеше Управата за водење на матични книги во врска со неевидентираните лица кои водеа децениски битки да бидат впишани во матичната книга на родените.
реклама
Досега, од 526-те предмети се решени 409, а се очекува останатите 117 граѓани својот извод да го добијат до крајот на оваа година.
Носењето на Законот за матична евиденција, повлече дополнување и измени на Законот за живеалишта и претстојувалишта со кој овозможивме повеќе начини луѓето да добијат право да имаат своја лична карта, да можат да регистрираат свое живеалиште или претстојувалиште.
реклама
Исто така и Законот за лична карта. Тие два закони ги заокружија потребите за да биде успешен процесот за да може оваа група граѓани кои беа досега оставени на маргините на општеството и лишени од сопствените основни човекови права, да можат конечно да ги искористат бенефициите.
реклама
