Дојави за бомби во училиштата во неколку градови во Србија, за дел е утврдено дека се лажни

По извршените проверки било утврдено дека се работи за лажни дојави во училиштата во Нови Сад, Ниш, Чачак и Горњи Милановац

Во повеќе основни и средни училишта, во неколку градови во Србија, утринава се стигнати дојави за поставени експлозивни направи.

По извршените проверки било утврдено дека се работи за лажни дојави во училиштата во Нови Сад, Ниш, Чачак и Горњи Милановац, додека проверките во Крагуевац се уште траат.

„Десетина училишта во Нови Сад утринава добиле дојави за поставени бомби во нивните згради. Екипите на МВР веднаш излегоа на терен, училиштата се евакуирани, а извршена беше антитерористичка проверка на објектите. Извршен е увид во 16 згради, бидејќи некои училишта имаат повеќе од една зграда, утврдено е дека пријавите се лажни“,

информираат од новосадската полиција.

Во две основни училишта во Горњи Милановац, како и во училиштата во Прањани и Таково, имало дојави за бомби во училиштето.

И таму биле извршени проверки при што е утврдено дека пријавите се лажни.

Во Полициската управа во Чачак било пријавено дека на електронската адреса на Машинскиот и медицинскиот факултет е пристигната дојава за бомба.

Веднаш по пријавата полицијата излегла на терен и извршила увид и утврдено е дека се работи за лажни дојави.

И две средни училишта во Ниш утринава по електронска пошта добиле дојави за поставени бомби. Дојавите биле за училиштето „Никола Тесла“ и Факултетот за храна и хемија.

Антитерористичките екипи на полицијата во Ниш ги провериле двете училишта и било констатирано дека пријавите се лажни.

На 10 локации во Крагуевац утринава стигнале дојави дека се поставени бомби и тоа во осум основни училишта, гимназија во Крагуевац и Економскиот факултет. Објектите веднаш се евакуирани и во тек се проверките.