Реал Мадрид не се откажува од намерата да го купи напаѓачот на ПСЖ, францускиот репрезентативец Килијан Мбапе.
Новинарот Карлос Карпио од шпанската „Марка“ објави дека 24-годишниот фудбалер ќе биде главната трансфер цел на „кралевите“ во 2024 година.
На „Сантијаго Бернабеу“ не веруваат дека раководството на францускиот првак ќе се согласи да го продаде Мбапе оваа година и затоа нема ни да испраќа понуди летово, за да се избегне можноста за ново одбивање.
Тоа, пак, ќе му овозможи на Реал целосно да се фокусира на доведување на Џуд Белингем од редовите на Борусија Дортмунд.
Мбапе минатата година можеше да се пресели во таборот на Реал, но во последен момент го продолжи договорот со ПСЖ, кој е со важност до летото 2025. Напаѓачот оваа сезона одигра 40 мечеви за парижаните во сите натпреварувања и постигна 38 голови, и запиша девет асистенции.
❗️ JUST IN: Mbappé will be Real Madrid’s number 1 goal for 2024. #transfers 🇫🇷🚨
– Inside the club they don’t think that PSG will agree a deal this summer. @Carpio_Marca on @BlancaRemontada pic.twitter.com/oQ95kcZuXB
— ͏ Mohamed ✆ (@RMreports) May 18, 2023
ИЗВОР: kurir.mk
